Obra-lizentzien betetze-kontrola
Hauei dagokien kontrola helburu duen zerbitzua da:
- Jabedun batek edo Administrazio Publikoek egindako lanak (Bilboko Udalak eta bere menpeko erakundeek sustatutakoak izan ezik) baina derrigorrezko udal lizentziarik gabe edo berorri ajustatu gabe eginak. Kasu horietan, hirigintza eta diziplina-legearen berriztapen ekintzak hasiko dira.
- Emandako lizentziak betetzea, obrak ezarritako epean egiten direla ziurtatuz eta haien baldintzatuari loturik. Horrela ez bada, aipatutako diziplina-espedienteak eta araudiaren berriztapenarenak irekiko dira, eta behar bada, baita lizentzien luzapen eta iraungipenarena ere.
Nola egin eskaria?
Dokumentu hauek AURKEZTU BEHAR DIRA:
- Eskaera orokorra behar bezala beteta:
- Interesa duen pertsona fisiko edo juridikoaren izen osoa.
- NAN edo IFK zenbakiak.
- Notifikazioetarako helbidea.
- Harremanetarako telefonoa.
- Salaketa jartzearen arrazoia.
- Udal kale-izendegiaren arabera, salatutako jarduera kokatu, horren titularra, ezagutzen bada eta establezimenduaren izen komertziala, behar denean.
OHARRA: Ez dira tramitera onartuko salaketa anonimoak.
Zertan datza?
- Salaketa egiten duen petrsona particular baten bada:
Eskaera aurkeztu behar da bertara joanda: Hiritarrenganako arreta bulegoa edo Barrutietako udal-bulegoak.
Bestela, toki hauetan ere aurkeztu daitezke eskariak:
- Beste administrazio publikoen erregistroak: Estatuko Administrazio Nagusian (Ministerioak eta Gobernu-ordezkaritzak zein -azpiordezkaritzak), Autonomia Erkidegoetan (Eusko Jaurlaritza, etab.), Espainiako enbaxadan edo kontsulatuetan.
- Posta-bulegoetan: Eskariak gutun-azal ireki batean aurkeztu behar dira, gutun-azalaren barruan aurkezpen-data jasotzen duen zigilua eta beste datu batzuk sartzeko. Ondoren, bidalketa ziurtatu egingo da datuak jasotzen dituen erreziboaren bidez. - Egingo den kontrola planifikatuko da, ofiziozkoa zein Hiri Segurtasun Zerbitzuaren edo pertsona partikular baten salaketa baten bidez.
- Ikuskaritza zerbitzuek gertaeren kontrola egin eta txosten bat egingo dute.
- Oinarria baldin badago, legea berriztatzeko espedienteak zein zigortzaileak bideratzen dira, eta lizentzien luzapen eta iraungipenekoak tramitatuko dira.
- Hirigintza-legaltasunaren berriztapen espedienteek hau dakartzate:
- Lizentzia gabe egindako lanak bertan behera gelditzea, arau-haustea sendotu eta garrantzi eta indar handiagoa hartzeaekidin nahi duen kautela-neurria.
- Legalizazio espedientearen irekiera, arduradunei legalizazio-eskaera aurkezteko eskatuz.
- Eta batzuetan, modu irregularrean eraikitakoa botatzea, ekintza ez legalizagarritzat jotzen denean edo legalizazio-eskaera ez bada epearen barruan aurkeztu. - Zigor-espedienteak zigor-ekonomikoa ezartzen badu, honakoak izan daitezke:
- Bostehun eurotik (500) bostehun mila eurora(500.000).
- Egindako ekintzaren balioaren %150.
- Ondasunak eta egoerak hasieran zeuden moduan berriz jartzearen kostua. - Lizentziaren luzapena bere titularrak eskatu behar du, hasierako epea amaitu aurretik.
Behin epe hori amaituta, eta kasuan kasuko luzapenarena ere, lanak amaitu gabe badaude emandako lizentzia zaharkitutzat joko da, pertsona interesdunek aurrez entzunda, eta beraz, lanek ezingo dute aurrera egin.
Bada zerbitzu hau arautzen duen araudirik/prozedurarik?
- Plan Orokorra
- Uri Zaharraren Berregokipenerako Egitamu Berezia Hirigintza
- Bilbo Zaharraren barne eraberrikuntza eta birgainkuntzarako egitamu berezia
- Hirigintza Lizentziei eta berauen izapidetzari buruzko Ordenantza
- 68/2000 DEKRETUA, apirilaren 11koa, hiri-inguruneen, espazio publikoen, eraikinen eta informazio eta komunikazioko sistemen irisgarritasun-baldintzei buruzko arau teknikoak onartzen dituena
- Eraikinaren kode teknikoa
- 3/1998 LEGEA, otsailaren 27koa, Euskal Herriko ingurugiroa babesteko lege orokorra
- Hirigintza Diziplina araudia onartzen duen, ekainaren 23ko, 2187/1978 errege-dekretua
- Administrazio Publikoen Erregimen Juridikoaren eta Prozedura Administratibo Amankomunaren, azaroaren 26ko, Legea
- 2/2006 LEGEA, ekainaren 30ekoa, lurzoruari eta hirigintzari buruzkoa
- 2/1998 LEGEA, otsailaren 20koa, Euskal Autonomia Erkidegoko herri Administrazioen zigortzeko ahalmenari buruzkoa
- Sektorekako Udal ordenantzak
Ohiko galderak
- Zer egin behar dut zerbitzu honi buruzko kontsulta, kexa edo iradokizunen bat egin nahi badut?
- Zerbitzu honi buruzko kontsulta, gorabehera, kexa edo iradokizun oro egiteko, Bilboko Udalak hiritarren esku du Zure Udalak aditzen dizu (Hirigintza eta Ingurumena) izeneko buzoia. Inprimakiko datuak bete behar dira eta jakinarazpenaren zergatiaren berri eman. Gero, jakinarazpen hori kontsulta, kexa edo iradokizuna egin den sailera zuzenduko da. Bilboko Udalak hitza ematen du Datuen Babeserako abenduaren 13ko 15/1999 Lege Organikoan eta ezar daitezkeen gainerako arauetan ezarritako babesarekin tratatuko dituela datuak.
Zerbitzuarekin harremanetan jartzeko
Hirigintza, Etxebizitza eta Ingurumen Saila
Surbisa (Esparru hauetan bideratu beharreko jarduketen kasuan: Bilbo Zaharra, Alde Zaharra, Ferroviarios auzoa, Gurutze auzoa eta Zorrotzaurreko zenbait atari)
