Beldurrak
Ume guztiek dituzte beldurrak zein adin eta zein testuinguru soziokulturalean hezten dituztenaren araberakoak. Beldur arinak dira eta, itxuraz arrazoirik gabe agertzen eta desagertzen direnak. Beldurra, oro har, emozio bat da errespetuz eta tentuz tratatu behar dena, baina aldi berean, tinko eta iraunkor, etengabeko egonezina biurtzea ekiditeko, azken batean, fobia bihur ez dadin...
Ohiko beldurren sailkapena adinen araberakoa hauxe da:
- Uretebetetik aurrera ezezagunei beldurra izatea da ohikoena.
- Bi urtetik aurrera gurasoengandik urruntzea, eta tarteka esfinterren kontrola egiten hasi denean komunera joateko beldurra oso ohikoa da.
- Hiru urterekin, imajinazioaren garapena dela-eta “iluntasunetik ager daitezkeen zenbait elementuk” beldurra eragin dezake. Adin honetan oso arrunta da zenbait animaliari beldurra izatea.
- Lau urterekin eskolako ikaskideekin alderatzen hasiko dira eta besteek dituzten trebetasun berberak ez edukitzeari beldurra agertzen da.
- Bost urterekin sendagileei egindako bisitaldietaz kontzienteagoak dira eta handiagoa izaten du kontsultara joatearen aurkako jarrera.
