Tailer hau Bernat Aucouturier-aren metodoan oinarrituta dago. Beraz, materialak eta gela antolatuta daude hiru joko mota ezberdinak garatzeko: Jolas sentso-motorea: Mugimen eta sentimen plazerraren gunea. Jolas sinbolikoa: Barne-segurtasunerako jolasak eta sinbolikoaren gunea. Errepresentazio jolasa: Urrutiratze eta errepresentazio gunea.

Aretoan sartzeko zapatak kendu behar dira. Sartu ahala umeak biltzen dira arauak gogoratzeko.

• Ezin da minik egin.

• Besteen jokua errespetatu.

• Materiala zaindu, ondo erabili.

• Espazioa errespetatu.

Saioa garatzen da eta berriro biltzen dira saioko intzidentziak kontatzeko.Zapatak ipini eta gelara.

Helburuak

Espazio nozio ezberdinak erabiliz: goian, behean, aurrean, atzean , barruan, kanpoan, goian, behean , urrun,  hurbil ,  zabalik, itxita , ondoan, artean,...; objetu eta pertsonarekiko kokapen espaziala landu. 

 Kokapen espazial ezberdin hauek norberaren gorputzean sentitu.

Plano ezberdinak ikertu: horizontala, bertikala, inklinatua.

Gorputz segurtasuna eta oreka garatu.