Jarduerak
Bilboko mendiko ibilbideak
BILBOKO UDALAK 8 TRIPTIKO ATERA DITU URIKO BARRUTI GUZTIETATIK MENDIAN ZEHAR EGIN DAITEZKEEN 8 IBILBIDE EZAGUTARAZTEKO
Bilboko Udalak triptikoak atera ditu herritarrei Bilboko barruti guztietatik mendietan eta bidexketan zehar egin daitezkeen ibilbideak ezagutarazteko.
Ekimen horrekin, Obra eta Zerbitzuen Sailak Bilboko mendiek eskaintzen dituzten aukeren berri eman gura du, bere pasealekuak eta Bilboko barruti guztietan oinez egin daitezkeen ibilbideena, hau da, autoa hartu barik. Zortzi triptiko dira, lagungarri Bilbo inguruko mendialdeko zortzi gailur ezagutu nahi dituztenentzat 
1. barrutian: Sarrikoko parketik 4,8 kilometro eginda Elorriaga mendira heldu daiteke. 
2. barrutian: Etxebarria parkera heltzeko bidezidorren arteko bidearen abiaburua da Udaletxea. 
Iturritxualdera (Avril mendia) iristeko bidea, 3. barrutian, Europa parkean hasten da eta 7 kilometroko luzera du.
4. barrutia: Larreagaburu parketik Egirletako (Santo Domingo) gailurrera iristen da. 
Harrobi plazatik, 5. barrutian, baso arteko bidexka batetik Bolintxu pasa eta Abusuko Ibai Eder parkera heltzen zara. 
Pagasarri da bilbotar gehien hartzen duen parkea. Bilboko erdialdetik, Moiua plazatik, abiatu behar da eta 9,4 kilometro eta 347 metroko aldapa egin ondoren iritsiko zara hara.
7. barrutia: Eskurtze parketik Arraiz mendiko zelai eta askaldegietara heltzen zara, eta 8. barrutian, Termibusetik abiatu eta Kobetamendira hel daiteke. Han parrillak, iturri bat eta aisialdirako lekua daude.
Obra eta Zerbitzuen Saila lanean ari da mendiok egokitzeko eta, horrela, egunetik egunera jende gehiago joan dadin uriko espazio naturalak gozatzera. Barrutiko Udaltegietan, turismo-bulegoetan, udal bulegoetan eta abarretan banatuko dira triptiko horiek.
Bilboko mendiek guztira 963 hektarea dituzte, hau da, 9,6 milioi metro karratu.60 kilometro baso-bide daude eta bertan lasai egoteko 317 mahai, 155 paperontzi, 31 barbakoa, , 91 jarleku, 15 iturri eta umeak jolasteko 5 gune jarri dira. Gainera, Bilboko mendietan 5 ur-andel daude suteak itzaltzeko.
- Informazio gehiago: ibilbideei buruzko triptikoak eskuragarri (Pdf-an):
