Bilbao.net,

Harrapazank!

Azalpena:

Euskararen aldeko jarrera eta erabilera sustatzea da egitasmo honen egiteko nagusia. Euskararen normalizazio prozesuan, kultur jarduerek duten garrantzia uka ezina da, eta euskararen erabilera sustatzearren, erabilpen askeko esparruetan euskarazko eskaintza zabaltzea ezinbestekoa da. Hori dela eta, erakargarria eta berritzailea den euskarazko eskaintza kulturala eskaintzea da egitasmo honen helburu nagusietakoa.

Hartzaileak:

12-18 urte bitarteko gazteak.

Data:

Martxo-apiril inguruan.

Lekua:

Bilborock - La Merced

Informazio osagarria:

Harrapazank! Topagunea Euskara Elkarteen Federazioarekin batera antolatutako ekimena da, Euskara Biziberritzeko Plan Nagusian (EBPN) ezarritako helburuak —hizkuntzaren transmisioa, kalitatea eta zerbitzugintza— oinarritzat hartzen dituena.

Topaguneko dinamizatzaileek komunikazio kanpaina egiten dute Bilboko ikastetxe eta institutuetako gazteen artean programa osoaren informazioa emateko. Horren ondorioz, hainbat gaztek izena ematen dute lehiaketetan edo ikastaroetan parte hartzeko. 

Urtez urteko programak: 

• 2007ko programa
• 2008ko programa
• 2009ko programa
• 2010eko programa

Web orria: www.harrapazank.com

Ikusi bideoak:

• Are Gazteagoa! Zuzenean; Joseina Etxeberria, Ilaski Serrano eta Mikel Apaolazak aurkeztutako saioa Bilbotik jendaurreko saio berezian.
• Bilbo hop jaia; Makala, Selektah Sound System eta break dantzariak hip-hoparekin sorgintzeko aukera.
• Mihiluze; Kike Amonarrizek eta Ilaski Serranok aurkeztuta, lehiaketa berezia bilbotarrekin eta bilbotarrentzat.
• Gatiburen kontzertua