Bilbao.net,

Antolatzailea: BILBOKO UDALAREN ENPLEGU, GAZTERIA ETA KIROL SAILA

OINARRIAK

1.- BALDINTZAK: Lehiaketan talde europarrek hartu ahal dute parte, baldintza hauek betetzen badituzte: 

• Bandako kideen adinen bataz bestekoa 35 urtetik gorakoa ez izatea. 
• Lehiaketarako izena ematean disko bat baino gehiago ez izatea kontratu diskografiko baten menpean. 
• Lehiaketaren aurreko edizioetako modalitate bakoitzean lehen saria irabazi ez izana.

2.- MODALITATEAK: Partaideek lehiaketaren hiru musika motetatik bakar batean emango dute izena: Pop Rock, Metal edo Beste Joerak (ikusi adibideak). Hala ere, epaimahaiak, egokitzat joz gero, izen-emateak zuzendu ahal izango ditu.

• POP ROCK mota: Rock, Rock and Roll, Pop, Punk Rock, Post Rock, Garage, Psikodelia, Rhythm&Blues, Tekno Pop, Hard Rock, Noise, Power Pop, Art Rock, Indie, Hard Core, Emo, Folk Rock, Americana, Soul, Stoner, Funk, Ska-Reggae eta beste aldaera edo konbinazio batzuk.
• METAL mota: Rock gogorra, Heavy, Power, Thrash, Speed, Death, Grind, Black, Doom, Metal gotikoa, Industrial, A.O.R, Hard Rock, Hard Core, Nu Metal, Rap metalikoa, Metal alternatiboa eta beste aldaera edo konbinazio batzuk.
• BESTE JOEREN mota: Elektronika, Down Tempo, House, Techno, Electro, Minimal, Drum'n'Bass, Breakbeat, Trip-Hop, Electroclash, Hip-hop, Rap eta beste aldaera edo konbinazio batzuk.

3.- LEHIAKETAREN LEHENENGO FASEA: Musika munduko profesionalek osatutako epaimahaiak, aurkeztu diren banda guztietatik, lehiaketaren bigarren fasean parte hartuko dutenak aukeratuko ditu: 24 Pop Rockean, 10 Metalean eta 4 Beste Joeren motarako). Guztira 38 talde.

4.- LEHIAKETAREN BIGARREN FASEA: 2010eko irailetik abendura lehen fasean epaimahaiak hautatu dituen taldeek zuzenean joko dute Bilborock-La Merced aretoan. Lehiaketaren bigarren eta hirugarren fasean parte hartzen duten talde guztiek laguntza ekonomikoa jasoko dute Bilbora etortzeko eta bertan jotzeko gastuak ordaintzeko.

Bigarren fase honetan, musika arloko profesionalek osaturiko epaimahai batek, musikari loturiko gazteek osatutako beste epaimahai batek eta kontzertuetako entzuleek hauexek hautatu behar dituzte: 

• Beste Joeren modalitateko talde irabazlea. 
• Pop Rockeko 3 talderik onenak eta Metal modalitateko 2 talderik onenak. Horiek hirugarren fasera pasatuko dira.

5.- LEHIAKETAREN HIRUGARREN FASEA: Metal eta Pop Rock modalitateetan hautatutako taldeek azken kontzertuetan joko dute. Azken kontzertuak izan ondoren, musika-arloko epaimahaiak hartutako erabakia emango da ezagutzera.

6.-JABEGO INTELEKTUALAREN ESKUBIDEAK ETA BAIMENAK: Lehiaketaren bigarren fasea hasi aurretik, parte hartzen duten taldeek jabego intelektualaren euren eskubideak defendatzen dituen erakundean euren abestiak erregistratuta dituztela egiaztatu beharko dute. Baldintza hori taldeen eskubideak babestearren eskatzen da.

Lehiaketan parte hartzen duten taldeek baimena emango diote Enplegu, Gazteria eta Kirol Sailari, kontzertuetako irudiak eta grabazioak erakusteko; hori merkataritzako erabilerarik gabe.

7.-IZEN EMATEAK: Parte hartu nahi duten taldeek 2010eko ekainaren 1a baino lehen eman behar dute izena www.bilbao.net/bilborock webgunean, eta honakoak bidali behar dituzte: 3 abesti MP3 formatuan, argazki bat JPEG sisteman eta taldearen ibilbidea DOC (Word) formatuan.

Talde ezberdinek kanta bera ez aurkezteko, banda batek baino gehiagok partekatutako kanta edo txostenik ez da onartuko.

8.- SARIAK

8.1. Sariak eskudirutan:

• POP ROCK mota:
  
  1.a: 5.000 euro.
  2.a: 3.000 euro.
  3.a: 1.700 euro.
• METAL mota:
  
  1.a: 5.000 euro.
  2.a: 3.000 euro.
• BESTE JOEREN mota:
  
  1.a: 3.000 euro.

8.2. Bestelako sariak: 

• “BILBAO HIRIA” saria Bilboko talderik onenarentzat: Kontzertua Bilborock aretoan. 
• “ASTE NAGUSIA” saria Bilboko rock talde talderik onenarentzat eta Bizkaiko talderik onenarentzat: Kontzertua 2011ko Aste Nagusian, Bertako Rock taldeetarako eszenatokian. 
• FNAC Saria, clubcultura.com web orrian botorik gehien jasotzen duen taldearentzat. Diskoa Fnac sarean banatuko da, aurkezpen kontzertuak egingo dira denda nagusietan eta haren web kulturalean leku nabarmena emango zaio. 
• KULTURA LIVE saria (Euskal Herri-ko areto sarea) Rock eta Metal sailetako euskal talderik onenei: 2011. Urtean KULTURA LIVE elkateari atxikitutako areto eta lokal batzuetatik gira-zirkuitoa. 
• ROCK EN LA GRUTA saria: Bilbo edo/eta Bizkaiko bi Rock talde onenek Madrilgo GRUTA 77 aretoan kontzertua izango dute 2011. 
• BILBAO BBK LIVE saria: kontzertuetara datorren ikusentzule guztien artean 2011-eko Bilbao BBK Live Festibalaren 6 abonoak zozketatuko dira. 
• AZKENA ROCK saria Euskal Herriko rock talderik onenarentzat: kontzertua 2011ko Azkena Rock Festibalean. 
• STEREOZONA saria: StereoZonako epaimahai eta erabiltzaileek aukeratutako taldeari, bideoklip baten errealizazioa. 
• BALEA saria Bizkaiko talde onenarentzat: Bilboko beraien estudiotan 5 abestiekin DEMO grabaketa bat. 
• TXIRULA saria pop-rock-eko gitarra jotzaile eta baxu jotzaile onenentzat: FENDER edo GIBSON EPIPHONE gitarra bat. 
• “NOVA PERCUSIÓ - NP” saria lehiaketaren hiru sailetako (POP ROCK, METAL eta BESTE JOERAK) bateri jotzaile onenei: 3 "N. P" kutxa. 
• MUSIFUSION (Musical Santutxu) saria Metal saileko gitarrista onenari: ARKANE Strd. 500 / PUH guitarra bat. 
• “SONOR” saria Bilbo-ko gitarra jotzaile onenarentzat: TOKAI gitarra bat. 
• “ARISE INSTRUMENTS” saria, lehiaketaren abeslari onenarentzat: TAPCO Soinu-mahai bat (12 kanalak eta efektuak). 
• TEMPLE OF METAL Saria, Bilboko Temple of Metal Elkarteak aukeratutako Metal talderik onenarentzat. Kontzertua Bilborock aretoan edo Bilboko beste gune batean 2011an, elkarteak antolatzen duen metal jaialdiaren barruan. 
• LOCALESDEENSAYO.NET saria Bizkaiko talde onenarentzat: 60 ordu dohainik urte osoan zehar ARDIONS-eko entsaiu geletan.

Lehiaketaren filosofia eta logikarekin bat datozen sari gehiago egon daitezke. 

Epaimahaiak sariak, edozein modalitatetakoak, eman gabe utzi ahal ditu.

9.- OINARRIEN ONARPENA: Lehiaketan parte hartze hutsak oinarri hauek onartzea dakar.

10.- BESTE BATZUK: 

• Antolatzaileek aldaketa egokiak egin ditzakete oinarri hauetan, lehiaketa modu zuzenean gauzatzeko. 
• Antolatzaileek ezetza eman ahal diete eskatutako datu guztiak ez dituzten edo baldintza guztiak betetzen ez dituzten taldeei. Emandako datuak egiazkoak ez badira, antolatzaileek bandak lehiaketatik kanpo utzi ahalko dituzte edo saria kendu irabazleei. 
• Abestiak jatorrizkoak izango dira eta ez dira inola ere hirugarrenei plagiatuak edo usurpatuak izango. Antolatzaileek eskatuz gero, lehiatzaileak egilea dela frogatu beharko du. 
• Parte-hartzaileek bidaltzen dituzten kantek hirugarrenen egile-eskubideak urratuz gero, antolatzaileek ez dute euren gain hartuko horren ardura eta parte-hartzaileak izango dira erreklamazioaren ardura edukiko duten bakarrak.

11.- INFORMAZIOA:

Tf.: 944 151 306
Faxa: 944 155 919
Helbide elektronikoa: bilborock@ayto.bilbao.net  
Web orria: www.bilbao.net/bilborock

• Oinarriak deskargatu (Pdf - 434 KB)